محمد التميمي__تدرين

تدرين وش هو الضي والعطر والزين  ‬

تدرين وش معنى السحر والمهابة

لما تجين وتقلبين الموازين

والبدر يعلن في حضورك غيابه

‪————————‬

هاتي الحلا والنور يافتنة العين

طلي على الحفلة سمو وغرابه

خلي الجمال يقول : انا بعدها وين

والعقل يفقد من جمالك صوابه

‪————————‬

رواني انتي غير والناس دارين

ان الربيع انتي وقصة شبابه

يالينه حد الاذابه من اللين 

غصن الزهر بعدك يعيش بعتابه

‪————————‬

بعيونك الاحلام تبدا من الحين

والحب في صدرك بطهر السحابه

الله يحقق ماتبين وتريدين 

والسعد يوفي لك وينسى غيابه

‪————————‬

رواني يا أجمل وأبهى من الزين

كل الحسن بعدك يضيييع بسرابه

الله يهني الحب فيكم يالاثنين 

والشوق يرويكم بلذة شرابه

‪————————‬

 رائد طلب قربك  وخلى العناوين

شاف العناوين البقايا تشابه

لقى رواني فارقه بالحسن لين 

اختارك وسكّر على الحب بابه

‪————————