محمد التميمي_نجوم السماء

نجوم السما تلتفت يوم اقبل بنوره

للي توسد سماها وانبلج ضيه

يا الصبح والله ما لك نور بظهوره

اقبل بطيبه هلا يا طيبها جيه

مشهور ماضاع منهو يمشي بشوره

كريم أصل وفصل طيب وصفا نيه

الورد لجله يميل وفاحة عطوره

يلعب طرب و الهوى ريحه شماليه

شلنا لك افراحنا مبروك منثوره

يالله عسى دوم هالافراح لك حيه

وقلوبنا تحتريك بشوق مسروره

تستاهل الخير كله ماهو شويه

من اليوم صرتوا غرام الحب في صوره

نادى بها احساسكم قال الغلا هيا

والله غلاكم في قلبي فاق بشعوره

من مثل فهده وذا مشهور من زيه