محمد التميمي_فصول السنه

مدري هي فصول السنه استثنت الليلة ربيع

والا انتي لحظة طلتك غيرتي فصول السنة

ياللي الحسن في حضرتك من هيبة عيونك يضيع

والورد لاحساسك يميل ولك يزّهر سوسنه

( ساره) يا أجمل ماانخلق يافتنة السحر البديع

رجاحة العقل وجمال الشكل يا سارة عندك أحسنه

تبسمي شعّي دلال وخلي الفرحة تشيع

كم ذابت لحسنك قلوب وكم تخرّس ألسنه

بشفاهك يذوب الشفق ويخلي الكون الوسيع

يافارقه في طلتك والأصل طيّب معدنه

من عز أبوك وعادتك شيخه تطاع وماتطيع

لا قالوا ساره اجتمع عزّ وجمال الفاتنة

والله هنياله فهد الشامخ الشهم الشجيع

اختار فتنة جيلها عطر الزمن والأمكنة

أخت الثريا منزلة لوصولها مايستطيع

إلا الذي بشموخها عالي وعزه موطنه

مبروك ياساره كثر ماغرّد بفصل الربيع

عصفور ، والنسمه هفت بين الغصون بدندنه

في ليلتك انتي قمر ونجوم خلق الله تضيع

الله يبارك فرحتك  كل يوم وكل شهر وسنه