ليالي_عيون نواره

ياعيون نواره ودنيتها

ياروحها يامعنى فرحتها

ياعليا يا أجمل من الأجمل

يانبض هالدنيا وحلاوتها

عليا بغلاة أمي وابوي انتي

كنتي فخر ليه ولا زلتي

ودي أقول لكل هذا الكون

شوفوا جمال اختي بزفتها

ياطيبتك يارقة احساسك

حتى الزهر يصحى على انفاسك

حنيتك ، لطفك ، تفاصيلك

انتي الحياة بكل رووووعتها

يا أدفى قلب وروح ف العالم

انتي الجمال وفجره الحالم

محتاره أبكي من الفرح والا !!؟

أضمك بروحي ولهفتها

الليلة انتي ورده أهداها

ربي لقلب اللي تمناها

أنفاسها عطر وسوالف شوق

وردية بكامل نظااارتها

بدر المسا انتي ولا غيرك

شوفي بعيون الناس تأثيرك

الكل يتساءل ياعليا كيف !؟

تتلعثم النسمه باناقتها

يارب من أفراح إلى أفراح

عمر/ن مديد وخاطر/ن مرتاح

نكبر وتأسرنا طفولتنا

يازينها ،، محلى شقاوتها