راشد الماجد_تاج الملوك

يوم اقبلت بقدومها عم السكون……… واجتمع في ضيها كل النظر

حيرت بالزين من هم ينظرون ………. هي ملاك ياترى او هي بشر

تاج الملوك الفاتنة عندي فضول………..ليه السكون بطلتك ساد المدار

يوم جيتي صاب هالصاله ذهول ……. وارتبك من جيتك حتى المسار

كل الحضور بطلتك كانت تقول …….. كيف ليلن واطلعت شمس النهار

كيف لا وانتي اوصافك تطول …….. يامالكه عيون المعازيم باختصار

العطر والورد والظبي الجفول ……… تجتمع بوصافها سحر وجمال

الغنج والزين والنطق العسول ………والعيون الخرس ورموشن خيال

البخور انفاسها والثغر لول ………..والشذى من روحها عطر الليال

سارة ومن غيرها الماسن ولول ……… درتن عن ألف دره بالكمال

زفو البشاير وارزفو صوت الطبول ……. وارفعوا اللولاش بصواتن جهار

من (تميمن) دامها بنت الاصول ……. حقها اليا اقبلت تمشي افتخار

بالذهب مجدن انكتب قال الرسول ……. هامت الامجاد هم اعلى شعار

نالها محمد وهي صعبت وصول ……… بس ميلاد الحبايب له قرار

ياعساها بالسعد عمرن يطول ……. وياعسى بالحب يهنون الوصال

نالها شهمن وكلن له يقول……… والنعم فيك ياعذب الخصال

الفارس الخيال هذاب الخيول …… عريسها محمد ويضرب به مثال

بالكرم والجود وفي طيب الفعول ……اشهد انه ياعرب عز الرجال

هذي الليله بها الفرحة تجول ……. والقلوب الحاضرة مستبشرة

والورود اللي تغشاها ذبول ……… من ربيع الحب عادت مزهره

سارة انتي ما انخلق مثلك بتول …… يطلب الحسن ان حضرتي مغفره

صورتك بالعين لا يمكن تزول …….. كل من شافك جمالك يسحره