داليا-محمد التميمي_علياء الحبيبه

في عيون عليا يطرب الشعر والفن

ولعيونها حتى الطواريق حنّت

من شافها لو ارمشت عينه يحن

كنه خلقها الله على ماتمنت

لو مالعليا نغني.. نغني لمن ؟

حتى امها سمت عليها وغنّت

عليا الحبيبة بان حسنك وبنتي

شع الضيا والتفت انظار يمك

وانا انا كل ماكبرتي وزنتي

اذكر عليك الله واسمي واضمك

من كثر منتي فاتنه ماانفتني

ماقد عصيتيني ولا شلت همك

يااجمل عروسه صانك الله وصنتي

زوجك مثل ماصنتي ابوك وامك

لو يدري احمد في عيوني من انتي

ما لامني لو كل لحظه ألمّك

حبيبتي وروحي وملاكي وبنتي

هذي قصيدة حب من خاطر امك