داليا مبارك__مرت الدنيا علينا واختي الليلة عروس

مرّت الدنيا علينا كنّها لمح البِصر
ووْقفت لحظة فرحْنا و انتي الليله عروس

إختي و يا سِعد عيني شفتك بأحلى قدر
لابسه ثوب البياض و نورك بقلبي مْحَسوس

دمعي اللي قد ذَخَرْته هل فرحات و مطر
يسقي حبٍّ في ضلوعي من خَلَقْه الله مْغَروس

يا رفيقة دربي انتي قربك أمان و فجر
إنتي ظلّي في هجيري و انتي لبردي شموس

يا مشاعل ذكرياتي اختي يا ذخْر و عمُر
ما اتذكّر في حياتي شفتك بوجْهٍ عبوس

اختي اللي من وفاها ما اتخيّلها بشر 
فيك اشوف أمي وقلبي بمحبّتْك مهَووس

انتي بهجة بيت ابوي بنفقدك من غير شر
الله يسمح طريقك و بدعاوينا مْحَروس

بنت أبوي و عند ذِكْره يستحي طاري الفخر
ويا حفيدة جدّي اللي ضحكته تبري النفوس

جاك عبدالله عساكم للهنا عين و نِظر
ومن وفاكم والمحبّه تاخذ الدنيا دروس

ادعي ربي يا مشاعل  قد ما كنت انتظر
و شفتك الليله بعيني أجمل و أغلى عروس