إبراهيم الحكمي_للفرح وهج

للفَرَح وهْجٍ تسابق، مِنْه قلب الليل ذاب..‬

بان وجه الصبح غصبٍ عن ظلامه والنجوم..‬

لا طلبت البدْر يبقى، إعتِذر منّي و غاب..‬

لا حضر فهدٍ وتالا ما لطلّاته لزوم !‬

***‬

دمعنا فاض و تِساقط، ردّت الأرض بجُواب..‬

لين فزّ العِشب و ازْهَر قلبْ تغشاه الهموم..‬

وكل صدرٍ من غلاكم انتِشى نبضه و طاب..‬

و استِبد الفرح فينا، ما تِجرّا من يلوم !‬

***‬

فهدٍ و ياغلى الأسامي فالسّما نجم وشَهاب..‬

يافرح تالا بقدومك قلبها بين الغيوم..‬

الله يتمّم فرَحْكُم ، يفتَح التوفيق باب ..‬

ياقدوم الخير والله حيّ هذا من قدوم!‬

‬***‫‬

تالا ولا قيل تالا، شتّتت شمل الغياب..‬

و إنولد في كف يدْها صِبحنا من كل يوم..‬

يا بياضٍ في بياضٍ، لفّكم مِزْن و سحاب..‬

ياعسى فهد و تالا للعمُر تبقون دوم !‬