إبراهيم الحكمي_زفة الحب منهو عنونه

الحب منهو عنْوَنَه .. لين انتِثر فوق السطور‬

والوصْل منهو لوّنه .. بألوان تتطاير عُطور

والفرْح منهو كوّنه .. بكل المشاعر والشعور

كِلْ هٰٰذا نجلا تعلنه .. يوم اشرقت بين الحضور

مشعل هو حْدود الكَفو .. ونجلا هي حدود و نِعِم

إثنينهم شكر و عفُو .. ولو أنصفوهم ما انصفوا

————————-

٢

الفَخْر ودّه يسألك  .. في باله يانجلا سؤال 

إن كان حسنك أوّلك .. وش آخرك يا اخت الرجال

الشعر يكتب أجزلك .. وخيالك أجمل من الخيال

معتزّه بأجمل أجملك .. وغيرك أبد ماله مِجال

——————-

٣

مشعل فخَر كلَّ الرِشيد .. خواله أعمامه فخر

العيب عن ذاته بعيد .. أبعد من حدود القمر

الهيبه من زوده تزيد .. مُهاب وْلو هو ما حظر

مع إني عسّاف القصيد .. وصفه يحير بْه الشعر